बुद्धमङ्गल ताल ओझेलमा
पश्चिम नवलपरासीको बर्दघाट नगरपालिका–१२ जहदास्थित ऐतिहासिक र पुरातात्विक महत्व बोकेका बुद्धमङ्गल ताल अहिले संरक्षण तथा प्रचारप्रसारको अभावमा ओझेल परेको छ । बुद्धसँग सम्बन्धित ताल जसका विभिन्न विशेषता छन् । बुद्धले त्रिवेणीधाम र लुम्बिनी आवतजावत गर्ने क्रममा बाटोमा पर्ने यस तालको पानी खाएर र एक रात बिताएर मात्र आउने जाने गर्ने गरेको धार्मिक कथन रहेको पाइन्छ । करिब १० देखि १२ बिघा क्षेत्रफलमा फैलिएको ताल वर्षांैदेखि अतिक्रमणको चपेटामा परेर अहिले सात बिघाहा चार कठ्ठा क्षेत्रफलमा सीमित भएको छ । ताल संरक्षण तथा व्यवस्थापनको अभावमा ओझेलमा पर्दै गएपछि पछिल्लो पटक नगरपालिकाले प्रदेश सरकारसँगको सहकार्यमा तालको संरक्षण गर्ने कार्यमा लागेको छ । तालको संरक्षणको जिम्मा नगरपालिकाले लिएपछि प्रदेश सरकार र नगरपालिकाको संयुक्त लगानीमा तालको व्यवस्थापन गर्ने काम भएको नगर प्रमुख धीरज शर्मा बस्यालले बताउनुभयो । शान्तिका अग्रदूत भनेर संसारले मान्दै आएका गौतमबुद्धसँग सम्बन्धित यस तालका बारेमा कतिपयलाई जानकारीसमेत छैन । जानकारी भएकाले पनि संरक्षका लागि प्रभावकारी रुपमा आवाज उठाएको पाइदैन । यस तालको प्रचारप्रसार गर्ने तर्फ प्राथमिकताका साथ ध्यान पुग्न नसक्दा ताल संरक्षणको अभावमा ओझेलमा परेको छ । यस तालको विशेषतामध्ये ताल सुख्खा मौसममा पनि पानी हुने गर्दछ । धार्मिक दृष्टिकोणले महत्वपूर्ण मानिने तालको व्यवस्थापनका साथै थप भौतिक पूर्वाधारको व्यवस्थापन गर्न सके स्थानीय पर्यटकसहित देशविदेशका पर्यटकलाई भित्र्याउने वातावरणको सिर्जना हुने बताइएको छ । ऐतिहासिक तालमा पर्यटक भित्र्याउने बाटो, भोजनालय, बासस्थान, पार्किंङ खानेपानीलगायतको पूर्वाधारको विकास गर्न आवश्यक रहेको स्थानीय दीपक बरालले बताउनुभयो । यस ताललाई विसं २०५० मा बुद्धमङ्गल ताल भनेर नामाकरण गरिएको बताइन्छ । धार्मिक मात्र नभइ पर्यटकीय दृष्टिकोणलेसमेत महत्पूर्ण रहेको सो ताल पूजाआजा, विवाह तथा अवलोकनका हिसाबले पनि महत्पूर्ण छ । तालको वरपर विभिन्न प्रजातिका चराचुरुङ्गी पाइने गरेका छन् ।
सबै छोटी भन्सार कार्यालयको भौतिक संरचना जीर्ण
पश्चिम नवलपरासीका सबै छोटी भन्सार कार्यालयको भौतिक संरचना थप जीर्ण बन्दै गएका छन् । महेशपुर मुलभन्सार कार्यालय मातहत रहेका विष्णुपुरा, गुठीप्रसौनी, भुजहवा र त्रिवेणी छोटी भन्सार कार्यालयको भौतिक संरचना पूर्ण रुपमा जीर्ण बनेका हुन् । यी कार्यालयको समय समयमा मर्मत सम्भार हुन नसक्दा कार्यालय जीर्ण बनेका छन् । आवश्यक बजेटको अभावमा ती छोटी भन्सार कार्यालयको भौतिक संरचना प्राप्त रुपमा नभएको महेशपुर मुलभन्सार कार्यालयले जनाएको छ । विष्णुपुरा, महेशपुर, भुजहवा नाका भारतको उत्तर प्रदेशसँग जोडिएका नाका हुन् । पूर्वी नवलपरासीको त्रिवेणी नाका भारत विहार प्रदेशसँग जोडिएको छ ।
![](https://suryodayafm.com.np/uploads/news/images/thumb266/1846443032ramgram-stup-3.jpeg)
रामग्रामको गुरुयोजना निर्माणका लागि जग्गा अधिग्रहणको प्रक्रिया शुरु
नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले पश्चिम नवलपरासीको रामग्राम नगरपालिका–७ स्थित भगवान् गौतम बुद्धको अस्तुधातु रहेको
![](https://suryodayafm.com.np/uploads/news/images/thumb266/21897614chicken.jpeg)
सस्तोमा कुखुरा आयात बढेपछि नेपाली कृषक र व्यवसायी मर्कामा
भारतबाट अवैधरूपमा भइरहेको कुखुराको ओसारपसार कार्य रोक्न पश्चिम नवलपरासीका कुखुरा व्यवसायीले माग गरेका छन् । पछिल्लो समय महामारीको रूपमा फैलिएको
![](https://suryodayafm.com.np/uploads/news/images/thumb266/1702966058images.jpeg)
आठ पर्यटकको मृत्यु हुनुमा दुवै पक्षको कमजोरी भएको छानबिन समितिको ठहर
मकवानपुरको दामनस्थित एभरेष्ट पानोरमा रिसोर्टमा ८ जना भारतीय पर्यटकको मृत्यु हुनुमा होटल व्यवस्थापन र पाहुना दुबैको कमजोरी भेटिएको छ । ७ माघमा
प्रतिकृया दिनुहोस