भारतबाट अवैधरूपमा भइरहेको कुखुराको ओसारपसार कार्य रोक्न पश्चिम नवलपरासीका कुखुरा व्यवसायीले माग गरेका छन् । पछिल्लो समय महामारीको रूपमा फैलिएको कोरोना भाइरसको जोखिमका कारण नेपालको तुलनामा भारतमा कुखुराको मूल्य सस्तिएपछि अवैधरूपमा कुखुराको आयात बढेको व्यवसायी र कृषकको गुनासो छ । क्वारेन्टाइन जाँचबिना र सस्तो मूल्यमा नेपाली बजारमा भारतबाट ल्याइएका कुखुराको बिक्री बढेपछि नेपाली कुखुरा व्यवसायी मारमा परेका कुखुरा व्यवसायी सङ्घ नवलपरासीका अध्यक्ष सुवास चौधरीले बताउनुभयो । उहाँले भन्नुभयो, “सरकारले कोरोना भाइरसबाट प्रभावित मुलुकबाट आयात हुने पशुपक्षीमा कडाइ गर्ने नीति लिए पनि भारतबाट नेपालतर्फ कुखुरा तस्करीमा कमी आएको छैन, खुला सीमाका कारण कुखुरा तस्करी रोकिएको छैन ।” सङ्घका जिल्ला अध्यक्ष चौधरीका अनुसार अहिले कोरोनाका कारण भारतमा कुखुरा प्रतिकिलो भारतीय रु ५० पर्छ । नेपालमा रु १५० देखि १८० सम्म पर्छ । झण्डै दोब्बर फाइदा हुने हुँदा भारतीय कुखुरा तस्करी बढेको उहाँको भनाइ छ । बर्डफ्लू र कोरोनाका कारण भारतमा कुखुरा सस्तो छ । भारतसँग सीमा जोडिएको पश्चिम नवलपरासीका अधिकांश नाकाबाट तस्करी बढेको व्यवसायीको दाबी छ । तस्करीका लागि धेरैजसोले साइकल प्रयोग गरेको पाइन्छ । अहिले जिल्लाका अधिकांश बजारमा व्यापारीले भारतीय कुखुरा बिक्री गर्दै आएका छन्  । भारतीय कुखुरा भित्रिन थालेकाले व्यवसायी त्रसित भएको अध्यक्ष चौधरीले गुनासो गर्नुभयो । तस्करी रोक्न आफूहरुले जिल्ला प्रशासन कार्यालय, जिल्ला प्रहरी कार्यालय, सशस्त्र प्रहरी बल, पशु कार्यालयमा ज्ञापनपत्रमार्फत ध्यानाकर्षण गराएको उहाँले बताउनुभयो । खुला सीमाको गलत फाइदा उठाउँदै हुने गरेको भारतीय पशु तथा पक्षीजन्य कुखुरा, अण्डा र मासुको तस्करी पूर्ण प्रतिबन्ध लगाउन नेपाली कुखुरापालक किसान र व्यवसायीले माग गरेका छन् । भारतीय कुखुराको अवैध आयातका कारण कुखुरापालन गरिरहेका किसानको व्यवसाय नै धरासयी भएको र ऋण काढेर गरेको लगानी डुब्ने अवस्था सिर्जना भइरहेको व्यवसायीको गुनासो छ । भारतबाट नेपाल भित्र्याइएका कुखुरा नेपालका फार्ममा हालेर रातारात नेपाली कुखुरा बनाउने गरिएको स्वयं व्यवसायी बताउँछन् । जिल्ला प्रहरी कार्यालयका सूचना अधिकारी प्रहरी नायब उपरीक्षक वीरेन्द्र थापाले भारतीय कुखुरा भित्रन नदिन कडाइ गरिएको बताउनुभयो । “हामीले कडा निगरानी र गस्ती गरेका छौँ, लुकीछिपी ल्याउने समूहलाई पक्रेर कारवाही गर्छौँ”,  उहाँले भन्नुभयो । सीमा क्षेत्रका सबै युनिटलाई कडारूपमा सीमामा गस्ती गर्न निर्देशन दिइएको उहाँले जानकारी दिनुभयो ।
 

रामग्रामको गुरुयोजना निर्माणका लागि जग्गा अधिग्रहणको प्रक्रिया शुरु      

नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले पश्चिम नवलपरासीको रामग्राम नगरपालिका–७ स्थित भगवान् गौतम बुद्धको अस्तुधातु रहेको

बुद्धमङ्गल ताल ओझेलमा

पश्चिम नवलपरासीको  बर्दघाट नगरपालिका–१२ जहदास्थित ऐतिहासिक र पुरातात्विक महत्व बोकेका बुद्धमङ्गल ताल अहिले संरक्षण तथा प्रचारप्रसारको अभावमा

 आठ पर्यटकको मृत्यु हुनुमा दुवै पक्षको कमजोरी भएको छानबिन समितिको ठहर 

मकवानपुरको दामनस्थित एभरेष्ट पानोरमा रिसोर्टमा ८ जना भारतीय पर्यटकको मृत्यु हुनुमा होटल व्यवस्थापन र पाहुना दुबैको कमजोरी भेटिएको छ । ७ माघमा